Joriy yilning 18-sentabr kuni Chirchiq shahar Axborot-kutubxona markazida yoshlarning milliy qadriyatlarimizga bo‘lgan hurmatini yanada oshirish va mustahkamlash maqsadida “Milliy qadriyatlar- millat ko‘zgusi” mavzusida tadbir tashkil etildi.
Tadbirda Gulzor va Guliston MFY xotin-qizlar faoli, mahalla vakillari hamda faol yoshlar ishtirok etdi. Tadbir davomida milliy qadriyatlarimizning ajralmas qismi bo‘lgan kashtachilik va milliy hunarmandchilik namunalari namoyish etildi. Ishtirokchilar milliy naqshlarning mazmun-mohiyati, ularning xalqimiz madaniyati va an’analaridagi o‘rni haqida fikr almashdilar. Ayniqsa, qo‘l mehnati bilan yaratilgan nafis kashtalar orqali ajdodlarimizdan meros bo‘lib kelayotgan mehnatsevarlik, sabr-toqat, did va mahorat kabi fazilatlar yosh avlodga ibrat sifatida namoyon etildi.
Tadbirda 25 nafar kitobxon yoshlar faol ishtirok etdi.
