-Kitob — umr yo‘ldosh, kutubxona — ma’naviyat maskani!
3-kichik nohiyadagi filialimizga har gal nuroniy otaxon-onaxonlarimiz tashrif buyurishganda, qalbimiz faxrga to‘ladi. Ularning kitobga bo‘lgan mehri, mutolaaga bo‘lgan ishtiyoqi barchamizga namuna! Rasmlarga qarang hali quyosh qizdirishga ulgurmay, sevimli gazeta-jurnallarini o‘qishga kelgan otaxonimiz yoki javonlar orasidan o‘ziga ma’qul asarni qunt bilan qidirayotgan onaxonimiz — bular shunchaki kadrlar emas, bular hayotiy tajriba va bilimga bo‘lgan hurmat ramzi. Nuroniylarimiz bu yerda nafaqat yangi asarlar bilan tanishishadi, balki o‘zaro fikr almashib, dildan suhbat qurishadi. Biz sizni, aziz oqsoqollarimiz va munis onajonlarimizni, har doim kutubxonamizda ko‘rishdan mamnunmiz! Sizning borligingiz — bizning boyligimiz.
Kelib, ma’naviy xazinamizdan bahramand bo‘ling, salomatligingizni asrang va kitob bilan hamroh bo‘ling!
